Mættur til vinnu

Í gær var fyrsti vinnudagurinn okkar, við vorum sóttir rétt fyrir níu að morgni og fórum við þá í menntamála ráðuneytið. Þar erum við með aðstöðu fyrir allar tölvurnar okkar til að vinna við þær og einnig geima (og auðvitað allt í loftkældum rímum :D)

 Ég fór svona yfir „the basics“ með þeim . . .  hvernig á að bilanagreina, skipta um disk  og minni. Eftir það fórum við í uppsetningar á útstöðvum og var hann Halldór hjá Skýrr sem kom með okkur búinn að setja upp alveg frábæran RIS server (remote instalation) sem gerði það að verkum að uppsetningin er mjög auðveld og gerist ekki þægilegri.

 Við kláruðum að setja upp um 45-50 vélar yfir daginn sem verður  bara að teljast nokkuð gott. Eftir að ég var kominn heim og það var farið að skyggja aðeins fórum við að sjá þessar líka rosalega flottu og stóru leðurblökur, við Halldór reyndum að taka myndir af þeim en það reyndist mjög erfitt þar sem þær  voru aðeins of hátt uppi og farið að dimma þó nokkuð.

Við enduðum svo daginn á að Guðmundur snilldar grillarinn grillaði fyrir okkur Red snapper (má segja að þetta sé þeirra ýsa) og var þetta alveg æðislega gott hjá honum.

 

Verð ég að segja að eftir svona fyrsta daginn þar sem ég er eitthvað í kringum innfædda að þeir eru alveg frábærir vilja allt gera fyrir okkur, sjá bara eins og þegar við lentum á flugvellinum þá um leið og við komum úr flugvélinni tók á móti okkur kona og leiddi okkur framhjá öllum biðröðum og kom okkur í gegnum útlendinga eftirlitið manni leið bara eins og stjörnu :)

Allavega núna sit ég bara upp í rúmi, var að vakna og klukkan orðin 8:30 og af því að það er 17. júní þá erum við í fríi í dag þannig að það á bara vera chill dagur í dag . .fara niður á strönd kannski og eitthvað svoleiðis.

Mættur í Paradís

Jæja þá er maður mættur á staðinn eftir sirka 30 tíma ferðalag. Ég var sóttur heim af Maríu um klukkan 04:00 á laugardagsmorgun og var ferðinni heitið í leifsstöð. Þaðan fórum við til london og biðum í um 8 tíma á Heathrow. Fengum okkur að borða og svolles á fínum stað þarna á flugvellinum og horfðum aðeins á EM.Við lentum eitthvað um 9:30 að morgni á Seychelles eftir 10,5 tíma flug og náði ég nú eitthvað að sofa en það var ekki mjög mikið. Húsið sem við erum í er í boði Cable and Wireless (farsíma fyrirtæki hérna á eyjunum) og er HUGE það eru 7 svefnherbergi og 4 baðherbergi poolborð og alles. Ég náði að hanga vakandi fyrsta daginn við kíktum niður á strönd og ég fór aðeins í sjóinn . . . alveg geggjað hann er svo saltur að ég gat bara lagst niður og flaut bara, svo er það nú ekki til að skemma að hann er alltaf um 28 gráður. Hann Guðmundur grillaði svo fyrir okkur kjúkling og var það alveg frábært. Ég fór svo bara að sofa um 20 og svaf til klukkan 07 í morgun.

Ég er að fara borða núna og hendi svo inn smá færslu í kvöld um fyrsta vinnudaginn.